正式戏名《喜马拉亚星》
年份：2005年导演：韦家辉编剧：韦家辉，欧健儿演员：郑中基，应采儿，吴镇宇，刘青云，张柏芝（客串）
────
剧情简介
在中国和印度边境喜马拉雅山成长的亚星（郑中基饰）是印度瑜伽高手，成年之后，他的父母叫他下山去印度瑜伽城参加瑜伽大赛，在印度，他遇到了大家姐（应采儿饰），大家姐算计瑜伽大王的女儿印度西施，决心让她娶个坏男人，于是联合三大恶人（成奎安，李兆基，黄光亮饰）一起来教坏亚星。
香港人惊青舅父（刘青云饰）和两个外甥（徐天佑，黄又南饰）跟着旅行团到印度游山玩水，同时和他们一起的还有一个大胆叔叔（吴镇宇饰），他们后来喝下印度神油，忘记了自己的身份，于是开始寻找自己到底是谁的旅程。
后来，亚星，惊青舅父及大胆叔叔因各自的原因，来到瑜伽城参加瑜伽大赛。
最终，亚星在冥想中成为新一任的梵天守护者，并永远都不会醒来。可是梵天开启开了眼睛，世界一片混浊，然后返回到石器时代，世界重新开始……
────
两年前开始写烂片系列，一直想睇呢套《喜马拉亚星》，皆因朋友对呢套戏慨评价两极，有啲话垃圾，有啲话有哲学味道。大部份慨烂片，通常通常一面倒……
前排终于睇咗。
我睇晒《神龙赌圣之旗开得胜》，《阿嫂》，《女人本色》呢堆顶级烂片，以为自己训练出惊人忍耐力，点知睇完《喜马拉亚星》，唔识落笔，心情久久以前平伏。
写篇烂片慨文，先睇套戏一次，拎咗大方向，起个轮廓，再拣片段嚟睇，加入细节同例加强说服力，一般要睇套戏两三次。至于《喜马拉亚星条，我睇完第一次，怕咗呢套戏，唔敢再睇。拖拉咗一个月，为咗写文先忍痛忍闷忍屎屎忍尿再开嚟睇，每次睇五至十分钟就要熄机。
真系顶唔捻住，呢套嘢超级垃圾。
《喜马拉亚星》垃圾到一个点，台前幕后食捻咗大麻咁款，完全唔知拍乜，只务求画面上有演员喺度郁吓吓同讲嘢，画面够几十分钟，完场，收工！
《神龙赌圣之旗开得胜》可谓1990年代最粗制滥造慨贺岁片，剧情狗屁不通，制作求其；《喜马拉亚星》肯定系2000年代垃圾贺岁片（无错！又系贺岁片！）慨代表作，剧情彻底无头无尾，最惨系犯咗烂片第一天条：
夹硬塞啲哲学，懒有深度慨嘢落剧情度。
一套电影，可以留白，交代好多哲学问题畀观众去思考，前题系故事合理，又配合到要讲慨道理──否则观众可以直接买哲学书睇。王家卫慨《一代宗师》，有啲人套落去讲中国人劣根性，有人讲中港矛盾，前题系表面上大家睇得明个故事，再搵到剧情同对白畀你咁去解读；《大只佬》之所以经典，因为故事好睇，亦紧扣到要讲慨道理（“因，果”）──那个骚，韦家辉同杜琪峰联合执导《大只佬》，做埋编剧，叫好叫座；韦家辉自己监，导，编慨《喜马拉亚星》，《最爱女人购物狂》，简直灾难中慨灾难。
《喜马拉雅星》啲哲学道理根本唔入流，本身无稽（开始又系终结，终结又系开始，做乜鸠？），又同本身剧情无关，无端端喺最尾十分钟闪出嚟，完全系眼低手惯慨作品。
随着剧情，我有个好简单慨剧情问题：
点解应采儿所饰演演慨大家姐咁憎西施？
若非应采儿咁憎西施，佢唔会训练一个人嚟令西施娶个坏男人；无呢样嘢，佢唔会遇上郑中基，最后搞出咁多嘢。岂会料剧中应采儿只交代一句：
「渠靓过我！」
都唔好提戏中个西施只系靓少少慨印度人。如果应采儿单因为对方靓过渠，就要花咁大气力去训练一个坏人，再搵佢娶西施，呢种理由欠缺说服力，其实根本弱智。「一个馒头引发的血案」固然戆鸠，但因果关系尚算合乎逻辑；但简单以一句「渠靓过我！」交代剧情主线，完全唔入流。
好咧，假设应采儿真系咁憎西施，后嚟渠喺瑜伽城见到西施，仇人见面份外眼红，点都要加插一段去暗杀呀，屌柒佢呀，嗌交呀。点知成段咁即系点？系导演唔记得，定系应采儿根本唔憎西施？
────
然后！套戏每隔五分钟就有一个熄灭机，界凳位，务求令你屌渠老母屌到完场为止：
‧1–5分钟：天人合一有乜含意？呢五分钟戏，郑中基一人分饰父母子，已经足够令我熄机三次。
‧10分钟：郑中基睇VCD扮印度赌神，但只碟花咗不断重复，渠跟住就喺现实度不断重复同嗰个「五条烟」慨动作，一。啲。都。唔。好。笑。喺韦家辉嗰套《最爱女人购物狂》，亦有重复一啲唔好笑慨画面（徐小凤无捻端端狂打电话叫陈小春同刘青云走嚟走去）。
‧16分钟：旅行团鸠行，彼此充满歧视印度人慨剧情。
‧20分钟：吴镇宇无厘头抢鸠人哋张相，根住鬼上身以为自己变咗个印度人。
‧25分钟刘青青同大象打交（幻觉嚟；真人未婚夫；但张柏芝本身都系幻觉……边样先真？妈呀我好乱！）
‧40分钟无端端扮Kill Bill同Indiana Jones，跟住喺度追逐，跳嚟跳去。
‧48分钟，吴镇宇瞓醒变咗日本黑社会。
‧54分钟，刘青云同西施不断跳舞。
‧60分钟，吴镇宇无端端变身，成为乜嘢师兄，要娶印度西施。
‧72分钟，碌落山嗰度。有朋友话成套戏最难顶系呢部分。我唔知，我净系知成套戏都好难顶。
《阿嫂》难顶，但你要去到最后撞车嗰幕先想爆粗熄机；《喜马拉亚星》屈到极致，由第一分钟就想令人惊叹的场。你终于挨到最后，点知又塞啲哲学嘢结尾，乜嘢开始即系终结，终结即系开始。做乜嘢啫？成套戏根本同呢个主旨无关，只系导演同编剧喺最后十分钟夹硬做出嚟。
不断重复慨赌神之外，一些幕更离谱：话说刘青云想问印度人自己跟嗰个「旅行团」返到酒店未，用咗呢三个肢体动作：
“旅”：“女”士同“旅”行同音。刘青云扮女人，然后扮有好大慨胸。
「行」：刘青云喺度行嚟行去……
「团」：刘青云翘起个屎忽，指住个「臀」部……
渠用广东话表达慨「女」「行」「臀」，令印度人明白渠讲乜，讲咗答案畀佢知…..
睇到呢部份都未离场慨人，拥有顶级忍耐力。
────
《喜马拉亚星》连基本故事都冇，剧情跳跃胡闹，毫不合理，欠缺逻辑，演员演出作状，尤如一班小丑献技。九流特技，不断歧视印度人慨画面已变得非常次要。
《喜马拉亚星》完场上字幕时，我心中居然不存忿怒，只有无限悲哀：韦家辉系咪争印度数十亿债务，有人挟持渠老婆仔女，逼渠写个咁慨剧本拍套咁慨戏？然后众演员为朋友，挨义演员帮忙，挨挨义气帮朋友接套咁慨垃圾？师弟，毫无先兆，正常人点会演套咁慨戏？一个观众，点估计到郑中基，应采儿，吴镇宇，刘青云，张柏芝搭韦家辉，居然会睇到套咁慨惊世巨作？
我曾写《阿嫂》系港产烂片第一名，今天终于改朝换代，
《喜马拉亚星》系港产片史上第一号烂片。
